Techu d'Uviéu: picu Escobín o Picayu

Olloniego - Fonte Los LLocos - L'Alcantarillón - Casares - El Padrún - Colláu Ferrera - Picu Gua o Boa - Picu Piedres - Campa El Trabe - Peñes Albes - Picu Escobín o Picayu o Picaxu - Picu Areneru - Les Escobadielles - La Fócara - Armatilla - Olloniego.

Fácil y entreteníu paséu pela xerra'l Fayéu. Hai bones vistes del Monsacru, l'Aramu, Les Ubiñes, Uviéu, Mieres, LLangréu,...
La única dificultá? atópase na baxada del picu Gua. Alcontrámonos casi de sópitu con un pequeñu desbentíu que quiciabes foi ocasionáu por un vieyu argayu o pola esplotación d'una cantera. Hai la posibilidá de baxar con curiáu ayudándose daqué coles manes o de baxar pela mandrecha buscando'l camín. Yo fixi lo segundo y l'altura de la broza qu'hai nesta época del añu, sobre too felechos, desorientóme un pocu y di un pequeñu arrodiu.
Na campa El Trabe axúntense los tres conceyos pelos que pasa esti guapu percorríu:Uviéu, Mieres y LLangréu.

Esti track y les informaciones son consideraciones propies.
Debe tenese en cuenta que les siendes y caminos, col pasu del tiempo, cambien y xeneralmente empeoren pol aumentu de broza y maleza. La perda y zarru de caminos ye dalgo que tolos qu’andamos pel monte conocemos bien.
Pensamos que la mejor manera de hacer una ruta que desconocemos ye estudiar varios track y elexir los más recientes. Si puede ser más de uno y que se asemeyen.
Les condiciones meteorolóxiques, la borrina por exemplu, siempre deben tenese en cuenta.
Tamién ye perimportante la preparación física y téunica de la xente que realice el percorríu.
La nuesa intención ye ayudar a facer una ruta que a nós mos prestó. Nun garantizamos que’l camín que suxerimos seya la meyor opción. Por todo ello nun mos facemos responsables de fechos que puedan ocasionar dalgún accidente o trestornu.